Original: Deutsch
Paginierung [wahrscheinlich von Schreiber 3]: 3)
In gotis namen amen Alliz menlich sal wißen / der diet geinwertige deutzsche vffin | Instrument Nu odir hir nach zu kunfftigen zeiden an=sehit / odir horit lesin Daz / in deme jare alz man zalte und schreib von gotis Geburt drutzehen hundert | iar und in dem funff und sibinczigst(e)n iare in der druczehinden iudiacu in de[m] | funfften iare der cronu[n]ge des allir heiligstin in gote vaters und herren / vnß[i]s | herre(n) hern Gregory / von gotis [absichtu(n)ge?] dez eilfftin Babistis vff den drittin | dag zcu prime zit dez mandis den man nen(n)et und schribet in latine Nouember | daz noch vff den nehistenn Sa(m)ßtag nach allir heiligen tag zcue prime zeit / odir | umb die masze In der alden staid zcu franckfort menizer Bistumes vnden | in dem huse unde geseße genant firneburg Vnd fur mir vffin gesworn schribere | von keyserlihcer gewalt vnde den hirnach geschrieben gezeugen geinwertikeit stu[n]den | die bescheiden lude Bertolt von Fulde Cuntzel sin eliche wirtin vff eine | syten, keddir dez vorgñtl Bertolds Bertoldis knechtiz vff die andern syten | Vnde globte ir ieglicher besundir mir vffin schribir in guten truwen fur sich / yer | erb(e)n vnd yer nachkomen die nachgeschrieb(e)n stucke vnd artickel stede vn(d) veste | zu haldene vnubruchlichin nu vnde ewecklichin vß gefloßen alle boße sunde | argelist und geulde Zu dem ersten, daz daz licht, daz da stoßet hindin her / zuo | von dem huse Erenfels gena(nn)t / vnde stellet vff die stege, dez huß zuo firneburg | en sal nicht großir noch cleiner gemacht werd(en) dan ez zcu dir gemwertige | zeid ist / und nicht verbuwet werden in keyne maße weise, Auch die mure die | da stet zuschin dem huse Erenfels vnde dem huße Brandenburge sal der vorg(enann)nt | beyder p(ar)tye sin Also bescheidenlichen daz yeglich p(art)tye mag vnd sal daz yn | buwyn vnden ane, biß obin ueß / wie sie gelustet / vnde yn allir ebinste komet | an dez andern schadin / surt me daz licht daz da fellet von Brandenburge | dem huse / yn daz hueß zu Erenfels sal auch blib(e)n [vindbuwit?] in alle der | maße / vnd noch in / alz es hutiges tages ist Vbir alle vnd besundir disse vorge- | schrib(e)n stucke und artickele So baden vnd hieschin Bertold und Cuntzel | uff eyne site / und Keddir die abgut vff die andern syten mich nachgeschrieb(e)n | vffinschriber daz in machte / eyns odir me / wie vil sie ir bedorfften vffin instru- | menta Disse ding sind gescheen In dem iare [Iudicten?] Babistume mande | Tage / stunde vn(d) sade / alß vergeschrieb(e)n stet Daz bye sint gewest die | Erbern lude wenczel. vnd hauß (schaere?) Henne zou dem Iungin weschne | und Bertolt Saßnisteme burg(e)re zou franckfort / die herbie zu gezugniße | warin geheischin vnde gebeidin
Randglossen und Unterstreichungen von anderer Hand:
1375 (Zeile 4, rechts)
Firmeburg (Zeile 9 u. 10, rechts, Schreiber 2)
Erenfels (Zeile 17 u. 18, rechts, Schreiber 2)
[Transkription: Dr. Stefan Krüger, Frankfurt am Main]
